1. Бүгд Найрамдах улсыг тунхаглаж, анхдугаар Үндсэн хууль баталсны 100 жилийн ойг тусгай хөтөлбөр гарган өргөн хүрээнд зохион байгуулав. Үүнд: Улсын Их Хурлын 2023.07.06-ны 64 дүгээр тогтоол, УИХ-н 2024.10.30-ны 02/4829, аймгийн ИТХ-ын 11.07-ны 578 дугаар албан зэргийг танилцуулан, тогтоолын хэрэгжилтийг хангуулан ажиллах талаар төрийн байгууллагуудын удирдлага, төрийн албан хаагч нарт мэдээлэл өгөв. Дээрхи арга хэмжээний хүрээнд олон талт үйл ажиллагаа зохиогдов. Үүнд: - Анхдугаар Үндсэн хуулийн түүхэн ач холбогдол, хууль ёсоо эрхэмлэн дээдлэх үзэл санааг бий болгох, тайлбарлан таниулах , үндэсний болон түүхийн ухамсар, бахархлыг төлөвшүүлэх зорилгоор Ерөнхий Боловсролын Сургуулийн 6- 9- дүгээр ангийн сурагчдад хичээл заах, Үндсэн хуулиа хэн сайн мэдэх вэ? сэдэвт ЕБС-ийн 7-9 дүгээр ангийн сурагчдын дунд Олимпиад зохион байуулж, амжилттай оролцож 1-3 -р байр эзэлсэн сурагчдыг шалгаруулж, урамшуулах, ахлах , дунд ангийн сурагчдын ” ГАР БӨМБӨГ ”-ийн тэмцээн, иргэдэд Үндсэн хуулийн талаар мэдээлэл түгээх, сурталчлах , Цэнгүүн зохиох зэрэг үйл ажиллагаа явагдав.

Монгол Улсын Үндсэн хуулийн өдрийг тохиолудуулан Улсын Их Хурлын даргын ивээл дор зохион байгуулах шатар сонирхогчдын дунд “Сумын аварга шалгаруулах” тэмцээнийг 2024 оны 11 дүгээр сарын 23-ны өдөр Иргэний танхимд зохион байгуулав. Шатрын тэмцээнд нийт 19 шатар сонирхогч оролцов. Үүнээс эрэгтэй 16, эмэгтэй 3 оролцогч оролцов. Шатрын тэмцээний эрэгтэй төрөлд: 1- р байр Ш.Мөнхбат 2- р байр П.Өсөхбаяр 3- р байр Н.Мягмаржав 4- р байр А.Борхүү, Эмэгтэй төрөлд: 1- р байр Н.Туяа 2- р байр М.Буянтогтох 3.-р байр Б.Уранчимэг нар шалгарав.

Сумын иргэдийн Төлөөлөгчдийн хурлын 9 дэх удаагийн сонгуулийн анхдугаар хуралдаан 2024 оны 10 дугаар сарын 28-ны өдөр хуралдаж, зохион байгуулалтын асуудал хэлэлцэв. Үүнд: Сумын ИТХ-ын шинээр сонгогдсон Төлөөлөгчдийн бүрэн эрхийг баталгаажуулав. Сумын иргэдийн Төлөөлөгчдийн Хурлын даргаар Т.Алтаншагай сонгогдож, Сумын Засаг даргад Г.Лхагважавыг нэр дэвшүүлж, аймгийн Засаг даргад уламжлахаар болов.

.Аймгийн ИТХ-ын 2024.07.24-ны өдрийн 20/09 дүгээр тогтоолын дагуу сумын ЗДТГ, ЕБС-н дансанд бүртгэлтэй үл хөдлөх хөрөнгийн дуудлага худалдааг амжилттай зохион байгуулж, дүн мэдээг аймгийн Орон нутгийн өмчийн газарт хүргүүлэв.

9-р сарын 10 буюу "Улс төрийн хилс хэрэгт хэлмэгдэгсдийн өдөр-өөр Хэлмэгдэгсдийн ар гэрийхэнд хүндэтгэл үзүүлж, Хэлмэгдүүлэлтийн хор уршиг сэдвээр иргэдэд мэдээ мэдээлэл түгээж, ЕБС-н ахлах ангийн сурагчдад хичээл заах, төр нийгмийн нэрт зүтгэлтэн Ю.Цэдэнбалын хөшөөнд цэцэг өргөх, түүний үйл хэргийг сурталчлан таниулах, хөшөө суваргыг танилцуулах аялалд ЕБС-н сурагчид оролцох зэрэг арга хэмжээ зохиогдов.

Улсын Их Хурлын ээлжит сонгууль 2024 оны 06-р сарын 28-ы өдөр амжилттай зохион байгуулагдав.

Сумын ИТХ-ын ээлжит 17 дугаар хуралдаанаар Сонгуулийн хэсэг, хэсгийн нутаг дэвсгэр, төвийг тогтоох, Сумын Засаг даргад нэр дэвшүүлэх тухай асуудлыг хэлэлцэн 17/01, 17/02 дугаар тогтоол батлав.

Сумын иргэдийн Төлөөлөгчдийн Хурлын ээлжит 15 дугаар хуралдаан 2023 оны 12 дугаар сарын 19-ний өдөр хуралдаж, Сумын 2023 оны хөгжлийн жилийн төлөвлөгөөний биелэлт, үр дүн, 2024 оны хөгжлийн жилийн төлөвлөгөө батлах тухай, сумын 2022 оны төсвийн гүйцэтгэл, 2024 оны төсөв батлах, Орон нутгийн хөгжлийн сангийн 2023 оны ажлын төлөвлөгөөний гүйцэтгэл, 2024 оны төлөвлөгөө батлах, Газар зохион байгуулалтын 2023 оны төлөвлөгөөний биелэлт, 2024 оны төлөвлөгөө батлах, сумын иргэдийн Төлөөлөгчдийн хурлын бүрэн эрхийн хугацааны үндсэн чиглэлийн биелэлт, 2024 оны зорилтын тухай, Ойн лимит батлах тухай асуудлыг тус тус хэлэлцэн батлав.

"Оролцоод нөлөөлье - Оролцоод хөгжүүлье" аяныг амжилттай хэрэгжүүлэв.

"Монгол Улсын Үндсэн хуулийн өдөр"-ийг тохиолдуулан Улсын Их Хурлын даргын ивээл дор жил бүр зохион байгуулагддаг шатар сонирхогчдын сумын аварга шалгаруулах анхан шатны тэмцээнийг сумын иргэдийн Төлөөлөгчдийн Хурлын ажлын албанаас 2023 оны 11 дүгээр сарын 26-ны өдөр зохион байгуулав. Тэмцээний эрэгтэй шатрын төрөлд 1-р байр Н.Мягмаржав 2-р байр Ш.Мөнхбат 3-р байр П.Жалцан Эмэгтэй төрөлд : 1-р байр Д.Оюун 2-р байр Н.Туяа нар шалгарав.

Аймгийн Иргэдийн Төлөөлөгчдийн Хурлын 2023 оны 07 сарын 21-ний өдрийн 14\03 дугаар тогтоолоор сумын Засаг даргын Тамгын газрын дансанд бүртгэлтэй Өвсний фондын хашааг акталж, үлдэгдэл материалыг үнэ тогтоон, сумын өмч хамгаалах зөвлөлийн хяналтанд худалдаж, бүгд 1973.000 \нэг сая есөн зуун далан гурван мянга\ төгрөгийг сумын орлогын дансанд төвлөрүүллээ.