Увс аймгийн иргэдийн Төлөөлөгчдийн Хурлаас   зарласан "Оролцоод нөлөөлье - Оролцоод хөгжүүлье" аяныг амжилттай зохион байгуулж, 1 дүгээр байранд  шалгарав. Уг аяны зорилго нь аймаг, сумын иргэдийн Төлөөлөгчдийн Хурлаас батлан гаргасан тогтоол, шийдвэрийг иргэдэд таниулах, мэдээлэх, сумын иргэдийн Төлөөлөгчдийн цахим хуудас, цахим сайт болон Улсын Их Хуралд өргөдөл, гомдол, хүсэлтээ илгээж, өргөн мэдүүлсэн хуулийн төсөлд санал өгөх боломжтой албан ёсны цахим талбар болох "D-Parliament" аппликейшн, вэб сайтыг сурталчлах, Дижитал аймаг- Увс гар утасны аппликейшн, Орон  нутгийн хөгжлийн сангийн аппликейшны  хэрэглээг  сурталчлах, иргэдийн гар утсанд суулгах, бодит хэрэглээг нэмэгдүүлэхэд оршиж байв.